Norekin jokatu?
Leka Enea Mahai Tenisa
Irunen finkatua, bere hastapenak 1978/1979 denboraldian izan zituen Leka Enea Ikastetxean, eskola-mailako eta probintzia-mailako federatutako kategorietan parte hartuz. 1984/1985 denboraldian Eusko Jaurlaritzako Kirol Erakundeen Erregistroan alta eman genuen.
2013/2014 denboralditik aurrera, Iruneko Olaketa kalean dagoen CTD Sonia Etxazarreta da gure jarduera gehienak egiteko erabiltzen dugun instalazioa. 1.400 metro koadroko azalera du guztira: beheko solairuak 670 metro koadro ditu, horietatik 352 entrenamendu-kantxari dagozkio, eta goiko solairuak 531 metro koadro. Horrez gain, gimnasio bat, multimedia gela bat, biltegiak eta bilerak, hitzaldiak eta antzeko jarduerak egiteko gela ere baditugu.
Mahai teniseko eskolak lehentasunezko tokia du gure kirol-proiektuan, gure moduko elite mailako klub batentzat funtsezkotzat jotzen dugulako jokalari berrien prestakuntzan inbertitzea.
Klubak taldeak ditu ia existitzen diren federatutako liga guztietan parte hartzen, bai estatu mailan bai autonomia mailan. Gizonezkoen zein emakumezkoen lehen taldeek estatuko maila goreneko ligetan jarraitzen dute lehian, eta baita Europako txapelketetan ere. Era berean, Errege Kopan eta Erreginaren Kopan parte hartzea ezinbesteko probak dira gure lehiaketa-egutegian.
Klubaren harrobiak ohiko parte-hartzea du Espainiako Txapelketen aurreko sektore-mailako lehiaketetan; azken helburu hori da klubeko gazte anbiziotsuenen xede nagusia.
Bidasoa Mahai Tenis Academy
Bidasoa Mahai Tenis Academy sortuz, kirolari bakoitzaren beharretara egokitutako prestakuntza eta garapen eredu integral bat ezartzea da helburua, programa pertsonalizatu baten bidez etasinergiak eta esperientziak aprobetxatuz.
2025/2026 denboraldirako, Bidasoa Mahai Tenis Academy-ak talde misto batekin parte hartuko du Open de Clubes-en eta Gizonezkoen Bigarren Maila Nazionalean.
TT Hendayais
TT Hendayais 1992az geroztik Hendaiako mahai teniseko kluba da.
CTD Sonia Etxazarreta
2013. urtean sortua, CTD Sonia Etxazarreta Euskadiko mahai teniseko kirol-teknifikazioko zentro bakarra da, Eusko Jaurlaritzak 2018an aitortua, eta Mahai Teniseko Kirol-Teknifikazioko Zentro Espezializatu gisa aitortua 2020an Kirol Kontseilu Gorenak.